Форум поклюнников группы Fleur

«Vox Femina» — трыбьют «Flёur»
16 сьнежня ў менскім Моладзевым тэатры эстрады адбыўся фэстываль жаночага вакалу «Vox Femina» і, адначасова, трыбьют адэскаму гурту «Flёur». Фэстываль атрымаўся разнастайным: мэтал-, фольк-, рок-гурты.

Першым выступаў гурт «Cor-set». Пачалі адразу з кавэру на «Кокон», які ня вельмі ўразіў. Потым яшчэ адна павольная песенька прагучала. А калі вакалістка зьняла шапачку і распусьціла свае даўжэзныя валасы, пачаўся мэтал! Цікавы, не занудлівы, зь вельмі моцным вакалам.

Наступны гурт — «Brave Heart». Яны вельмі шмат часу гублялі на наладку, нават пасьля кожнай песьні. Але гэта было таго варта! Цудоўныя інструмэнтальныя кампазыцыі, афігенная гітара. Ну, і ўдалы кавэр на «Сегодня» таксама парадаваў!

Нарэшце дачакаўся «Рокаш»! Усе самыя лепшыя песьні, даволі новыя «Стары замак» і «Стрэлы сонца» і проста афігенны кавэр на «Синие тени» (браво за пераклад). depressive_bear сказаў, што не самы лепшы іх выступ, але мне спадабалася :)

Гатычна-дарквэйвавы гурт «Volk» на сцэне быў нядоўга з-за тэхнічных праблемаў. Нешта ў гэтым гурце ёсьць цікавае, нешта незвычайнае, але рассмакаваць не атрымалася. Кавэр, праўда, быў ацтойны…

Потым зьявіліся «Like a Gossamer». Два кавэры амаль што з опэрным жаночым вакалам, а потым свая брутальная праграма. Упершыню ўжывую пачуў і… спадабаліся. Вельмі гарманічна гучаць усе інструмэнты, ў кожнага ўдзельніка свой твар, харызма. Думаю, будучыня ў гурту добрая. Чуеш, Будкін! :)

У канцы выступалі «Людзі сьвятла» і «РоСтра». Добразнаёмыя яшчэ з адборышчаў-басовішчаў. Часу на ніх, праўда, не засталося ў мяне, таму «людзей» толькі крыху паслухаў. Напэўна, кавэры былі ўдалымі…

Ну, і пару здымкаў :)